ผญาอีสานว่าด้วยความสุข ความทุกข์
ทุกข์เพิ่นบ่ว่าดี มีจั่งว่าพี่น้อง ลุงป้าเอิ้นว่าหลาน ทุกข์คอบปาก ยากคอบท้อง เคยแล้วอยู่บ่เป็น ทุกข์บ่มีเสื้อผ้า ฝาเฮือนเพกะพออยู่ ทุกข์บ่มีข้าวอยู่ท้อง นอนลี้อยู่บ่เป็น ทุกข์กายอยู่ได้ ทุกข์ใจอยู่ยาก ทุกข์ให้เลี้ยงม้า กำพร้าให้เลี้ยงหมู
ผญาอีสานว่าด้วยความสุข ความทุกข์
บ่ทุกข์บ่ยาก บ่อึดบ่อยาก มีเงินเว้าได้ มีไม้เฮ็ดเฮือนงาม มีเงินให้เพิ่นกู้ มีซู้ให้เพิ่นเล่น (นี่กะทุกข์)
ผญาอีสานว่าด้วยความสุข ความทุกข์
สุขเพราะมีข้าวกิน สุขเพราะมีดินอยู่ สุขเพราะมีคู่นอนนำ สุขเพราะมีคำเต็มไถ่ สุขเพราะมีเฮือนใหญ่มุงแป้นกระดาน สุขเพราะหลานหลายนั่งเฝ้า อยากทุกข์ให้เป็นนายคน อยากสาละวนให้เอาเมียน้อย